هبد

مكونات اللعبة

كروت الحروف
كروت الجوكر
كروت أوتوبيس كومبليت

طريقة اللعب 

الطريقة الاولى

وزعوا الكروت بالتساوي على كل اللاعبين
حطوا 3 حروف على الأرض علشان تكونوا كلمة
كل لاعب يحاول يبدل حرف من اللي في إيده بحرف من الكلمة علشان يطلع كلمة جديدة وصحيحة
مفيش أدوار، الكل بيلعب في نفس الوقت
أول واحد يلاقي كلمة صحيحة يغير الحرف بسرعة
استمروا لحد ما أحد اللاعبين يخلص كل الكروت اللي معاه
كارت الجوكر ينفع بدل أي حرف

الفائز

أول لاعب يخلص كل الكروت اللي في إيده

الطريقة الثانية

كل لاعب يبدأ ومعاه 5 كروت
اللعبة عبارة عن 6 جولات
اسم ولد
اسم بنت
اسم جماد
اسم حيوان
اسم أكلة
اسم بلد
في كل جولة اللاعب يحاول يكون اسم من الفئة المطلوبة
يحطوا كومة الكروت في النص
في كل دور اللاعب يختار
يسحب كارت ويرمي واحد أو يبدل كارت من الأرض بكارت من إيده
الهدف إنه يجمع الحروف المناسبة لتكوين الاسم
كارت الجوكر يعوض أي حرف ناقص

الفائز

اللاعب اللي يجمع أكبر عدد من كروت الفئات في نهاية الجولات